1-Жүргізуші:  Армысыздар, жиналған ата-ана, ұстаздар!

Ержан            Той-жиынсыз өмірдің мәні болмас.

                        Арамыздан талпынып қақты қанат,

                        Тоғыз жылда оң-солын таныған жас.

2-Жүргізуші:  Көз салып қараңызшы бойымызға

Мархаба         Ортақ боп бүгінгі өскен ойымызға

                        Хош келіпсіз, ұстаздар, ата-аналар,

                        Мектеппенен қоштасу тойымызға.

Әлібек:           Думанды дүбір, ән жырлы

                        Жайқалған өмір жас бағы

                        Мінекей, тағы бір жылды

                        Сырғытып кейін тастады.

                        Ұстаздардың жаны нұр.

                         Шаттық күйін бөліскен

                         Аяқталды тағы бір оқу жылы жеміспен.

Жеңісгүл:        Жастарды жиды маңына

                         Мейірге толы мектебім.

                         Айқара ашқан құшағын

                         Балапаның боп сенің,

                         Өзіңнен түлеп ұшамын.

                         Білімнің нұрын шашылған

                         Теруге оқып жүр екем.

                          Бақытқа бізді шақырған

                          Қоңырау даусы- жыр екен.

Ержан:           Өтті бізден балалық,

                       Өтті бізден шашалық,

                       Тезге  салды ұстаздар,

                       Текті  мінез даналық

                       Ұсынғаны –адалдық,

                       Үйреткені-адамдық

                       Бар ұстазға тілейміз-

                       Бақыт, табыс, амандық.

Хормен:        Білім берген біздерге,

                       Рахмет, ұстаз, сіздерге.

Мархаба:      Мектеп деген білім кені, жыр кені

                      Мектеп деген ғылымның ең үлкені.

                      Мектеп деген тәрбиеші адамға,

                      Мектеп деген даналардың мекені

                      Мектеп, мектеп, менің жарқын көңілім,

                      Мектеп, мектеп, шаттық толы өмірім.

Ержан:     Мектепке арналған сыйлықты тапсырады.

Жеңісгул:  Арналады ұстаздарға

                   Құрмет деген, төр деген

                   Біздің елде адам бар ма,

                   Ұстаз алдын көрмеген?

Әлібек:      Алғыс сізге, алғашқы ұстаз.

                  Бізге үйреткен әріпті

                  Алдыңызда иеміз бас

                  Атыңызды дәріптеп

Ержан:  Зульфия Төкенқызына арналған тілек.

Әлібек:   Білім беріп көзді ашқан

                 Ақылшы, досым, ұстазым.

                 Мейіріңмен сен асқан

                 Ақылдың жолын нұсқадың

                 Тәрбиелеп, мәпелеп

                 Өрлеткен өмір шыңына

                 Жөн сілтер өзің   жетелеп

                 Ғылымның жаңа тыңына.

Ержан:  Ән «Ұстазым»

              Алғашқы әліппені үйреткен ұстазымыз Жанар Валиқызына арнаймыз.

Мархаба:    Жанар Валиқызына арналған тілек.

Жеңісгүл:   Мен бала едім бұғанасы қатпаған

                    Енді өзімді-бала деуге жасқанам,

                    Есейсем де өнеге алам ұстаздан.

                    Соның бірі- мына бұрыл шашты адам.

                    Оның көңілі кеңдігіндей даланың.

                    Мен жансам да ұстазымша жанамын

                   -Үлкен, -дейді кейде мені басқалар.

                   Ұстазыма бәз-баяғы баламын

Әлібек: Анар Исаханқызына арналған тілек.

Ержан:         Көктем келді шешек атып

                     Жаз ғой оның аржағында

                     Түсінеміз барлығында

                     Емтихан бар алдарыңда

                     Осы ордада алған білім

                     Мәңгі есіңде кетпес пе

                     Емтиханды тапсырыңдар

                     Барлығың да тек 5-ке

Мархаба:

                     Талай сыннан өттіңіз

                      Кәмелетке жеттіңіз

                      Қыран болып ұшыңыз

                      ВУЗ-ға барып түсіңіз

                      Әрқашан сәтті жол болсын

                      Сапарларыңыз оң болсын!

Ержан: «Студентердің қоштасу әні»

Мархаба:  Гүлдерге толы омырау,

                 Әр түрлі әркім ойлайды

                 Қағылар соңғы қоңырау

                 Қаққызбай өмір қоймайды

                 Әркімді әр сұрақ жетектеп

                 Жолдарға салады әр тарау

                 Құлақта мәңгігі қалар тек

                 Күмістей сыңғырлап қоңырау.